🖤میری خواہش🖤

میری خواہش ہے۔۔ 

کہ ہم ایک ساتھ ایک گھر میں ایک چھت کے نیچے رہیں...جہاں پر چیزیں بکھیرنے والے تم

ہو اور سمیٹنے والی میں...

جہاں پر شور کرنے والی میں ہوں اور خاموشی سننے والے تم ...

جہاں سردی کی رات کے کسی پہر میرے گرد بازو پھیلاتے تمہیں کوئی ہچکچاہٹ محسوس نہ ہو ...

جہاں ہم ایک دوسرے کے ساتھ بیٹھے کوئی اچھا سا شو دیکھتے دیکھتے سو جائیں...

جہاں رات کا کھانا ہم اکھٹے بیٹھ کر کھائیں اور دن بھر کی ڈھیرو ڈھیر باتیں ہم اس ڈائنگ ٹیبل پر ایک دوسرے کے گوش گزار کر ہی دم لیں...

جہاں رات کے آخری پہر میں تمھیں زبردستی نیند سے جگا کر چھت پر لے آؤں پھر سیاہ آسمان تلے بیٹھ کر ہم چمکتے تاروں کو اتنی دیر تک دیکھیں کہ میں تھک کر تمہارے کاندھے پہ سر رکھ کر آنکھیں موند لوں...

جہاں تم مجھ سے کسی دن اپنی تھکاوٹ کا ذکر کرو تو میں تمھارا سر اپنی گود میں رکھ کر اپنی نرم انگلیوں سے تمہارا سر سہلاتی رہوں...

جہاں سردیوں کی راتوں میں میرے ہمیشہ سے سرد رہنے والے ہاتھوں کو تم اپنے ہاتھوں کا نرم گرم لمس بخشو...

جہاں ہفتے کے کسی ایک دن میرے بستر پر صبح کا ناشتہ مجھے تمہارے ہاتھوں کا تمہارے ہی ہاتھوں سے میسر ہو 💓